MBUNGE JOSEPH MBILINYI ALIPOKUWA KWENYE UCHAGUZI WA CHADEMA WILAYA YA MBEYA MJINI

 

R.I.P. MZEE DR. MAGOGO.... MBUNGE J. MBILINYI "SUGU" AHUDHURIA MAZISHI

• NI DAKTARI MSTAAFU WA RUFAA MBEYA
• PIA NI MWANZILISHI NA KATIBU MKUU WA KWANZA WA CHAMA CHA WAZEE (TUWATA)
• IBADA IMEFANYIKA LUTHERAN MACHINJIONI NA MAZISHI MAKABURI YA SABASABA MBEYA

 

MH. JOSEPH MBILINYI "SUGU" .... MGENI RASMI UZINDUZI WA LIL STIGGA RISE & SHINE MIXTAPE LEO

 

 Mbunge wa Mbeya Mjini Joseph Mbilinyi "Sugu" leo atakuwa mgeni rasmi katika Uzinduzi wa RISE & SHINE Mixtape kutoka kwa mwanadada mkali LIL STIGGA. Uzinduzi huo utakaofanyika katika ukumbi maarufu wa MTENDA SUNSET HALL uliopo soweto Mbeya pia kutakuwa na live perfomance za wasanii kibao pia kwa mujibu wa waandaaji Mashada Inc. Production Tiketi bado zipo kwa 10,000 tu.

MH. JOSEPH MBILINYI ALIPOHUDHURIA MSIBA WA DORIS MWALUPINDI (DADA WA DIWANI NKELA WA IYELA KWA TIKETI YA CHADEMA)

•  Msiba ulifanyika Makunguru Mbeya na baadaye maziko kijijini Namba Wani wilayani Rungwe

VIONGOZI CCM WATIMULIWA MKUTANONI

Kushoto ni Mwenyekiti wa Jumuiya ya wazazi wa CCM, Mkoani Mbeya, Fatuma Kasenga (aliyekumbwa na dhahama hiyo), akiwa na Mwenyekiti wa Jumuiya hiyo wilayani Rungwe, Mwalimu Peter Gwandege Nkanje.

Wananchi wa Kata ya Kambasegela wilayani Rungwe mkoani hapa, wamewafukuza viongozi wa Jumuiya ya Wazazi ya CCM wa kata hiyo walipotaka kufanya mkutano wa hadhara ili kuimarisha chama chao.

Akizungumza mwishoni mwa wiki katika ziara ya Mwenyekiti wa Jumuiya ya Wazazi Mkoa wa Mbeya, Fatuma Kasenga, Katibu wa jumuiya hiyo Kata ya Kambasegela, Frank Mwansasu, alisema wananchi walimtimua yeye na msafara wake kwa madai kwamba waliahidiwa maji zaidi ya miaka kumi sasa bila kupatiwa.

“Mwenyekiti, kero yangu kubwa ni kwamba, mimi na wenzangu tulifukuzwa na wananchi tusifanye mkutano wa hadhara wakati wa ziara yetu ya kata, wananchi wanasema waliahidiwa maji, lakini hawajapelekewa mpaka hivi sasa,” alisema Mwansasu.

Akijibu kero hiyo, Mwenyekiti Kasenga, alisema hayo ni matokeo ya baadhi ya viongozi kutowajibika vema katika nafasi zao.

Alisema suala hilo limemsikitisha, na kwamba yeye na msafara wake watalifikisha kwa Mwenyekiti wa CCM Mkoa wa Mbeya, Godfrey Zambi, ili kulipatia ufumbuzi.

Akiwa katika ziara hiyo, mwenyekiti huyo alipokea kero nyingine kwa baadhi ya wananchi wa Kata ya Nkunga, ambao walimwambia kuwa chama hicho kinachukiwa kwa udhaifu wa baadhi ya viongozi wake.

Wananchi walisema kata hiyo ina uhitaji wa umeme, na kwamba katika Kijiji cha Ibililo, kuna msigano wa viongozi, jambo ambalo linasababisha kutopatikana kwa maendeleo ya kijiji.

“Jitokezeni kwenye marekebisho ya daftari la kudumu la mpiga kura na ukifika wakati wa uchaguzi, wazee, vijana na wanawake wanaofaa wapeni nafasi wagombee,” alisema Kasenga.

• Gordon Kalulunga

· 

TASWIRA: MBUNGE JOSEPH MBILINYI "SUGU" ALIPOONGEA NA WAKAZI WA MAENDELEO/SOKOMATOLA JIJINI MBEYA

JOSEPH MBILINYI "SUGU" AITEKA MAFINGA, MUFINDI - IRINGA.

• NI KATIKA MUENDELEZO WA OPERESHENI KOMBOA MUFINDI
• OFISI ZA CHADEMA KATA KUANZA KUJENGWA MUFINDI YOTE
• WILLY MUNGAI “BIG WILLY” AKABIDHI HUNDI NA KUELEZEA  MPANGO HUO
• PATRICK OLE SOSOPI NA MWAMBIGIJA “MZEE WA UPAKO" WATOA MISUKULE

                      

 Mgeni Rasmi Mbunge Joseph Mbilinyi wa Mbeya akipokea hundi ya Tsh. 2,500,000 kutoka kwa William Mungai "Big Willy" katika kikao cha uzinduzi wa programu maalumu ya ujenzi wa ofisi za CHADEMA katika kata zote za Mufindi Kusini.

  

William Mungai "Big Willy" akielezea kwa kina jinsi ambavyo program ya kujenga ofisi za CHADEMA katika kata zote za Mufindi Kusini utakavyotekelezwa.

 

             Mgeni Rasmi Mbunge wa Mbeya Mjini akiongea na wana Mufindi katika kikao hicho

 Mwenyekiti wa CHADEMA Mbeya Mjini ambaye pia ni Mwenyekiti wa Kamati ya Uhamasishaji CHADEMA Kanda ya Nyanda za Juu Kusini Bw. Mwambigija "Mzee wa Upako" akisisitiza jambo katika kikao hicho.

 Mbunge wa Mbeya Mjini Joseph Mbilinyi akiongea na wana Mufindi katika Kikao ambacho kiliambatana na uzinduzi wa Programu ya Ujenzi wa Ofisi za Kata Mufindi.

 

 Makamanda wakiwa wanajadiliana kabla ya kuelekea kwenye Mkutano wa Hadhara

 

 Mh. Joseph Mbilinyi akiwa ameongozana na Mwenyekiti wa CHADEMA Mbeya Mjini Bw. Mwambigija wakiingia eneo la mkutano wa hadhara Mafinga.

 

 Mwenyekiti wa Kamati ya Sera, Itikadi na Utafiti wa CHADEMA Kanda za Nyanda za Juu Kusini akiwakilisha Mkoa wa Iringa Bw. Patrick Ole Sosopi akihutubia katika mkutano huo wa hadhara.

 Kamanda William Mungai "Big Willy" akifafanua changamoto mbalimbali zinazolikabili Taifa hususani wana Mufindi.

 

 Umati wa wana Mafinga - Mufindi ukiwa umejaa katika Uwanja wa mashujaa ambao aukutosha na kusababisha watu wengine wasikilizie hotuba mbalimbali wakiwa nje ya Uwanja.

Makamanda wakiwa wamekaa  meza kuu huku wakifuatilia mkutano huo wa hadhara.

 

Mwenyekiti wa CHADEMA Mbeya Mjini Kamanda John Mwambigija almaarufu kama "Mzee wa Upako" akiwa jukwaani kutoa misukule ya CCM.

 

 Mbunge Joseph Mbilinyi "Sugu" akijiandaa kupanda jukwaani huku akipunga mikono wakati wimbo wake maarufu "WANAKUITA SUGU..." ukiwa unasikika.....

 Joseph Mbilinyi "Rais wa Mbeya" akiwa makini kuangalia umati wa watu uliofurika mara baada ya kupanda jukwaani.
 

Mbunge wa Mbeya Mjini akiwa jukwaani kuongea na wana Mafinga kuhusu changamoto mbalimbali  zinazowakabili Tanzania pamoja na  mustakabali wa zoezi la Katiba mpya jinsi ambavyo linavyochakachuliwa.
 

 Umati wa wana Mafinga uliofurika ndani na nje ya uwanja wa Mashujaa ukimsikiliza Mbunge huyo.

 Wazee wakimpongeza Mh. Joseph Mbilinyi mara baada ya kushuka jukwaani.
 

Kutoka kushoto ni Katibu wa Mbunge Joseph Mbilinyi Ndg. Kwame Elly Anangisye , Mwenyekiti wa CHADEMA Mbeya Mjini John Mwambigija "Mzee wa Upako", Mbunge wa Mbeya Mjini Joseph Mbilinyi " Sugu" na Kamanda Patrick Ole Sosopi wakisimama tayari kwa kuondoka mara baada ya mkutano.